《東張西望》女主持梁敏巧（Maggie），適逢中秋節與她的鋼琴學生到觀塘一間老人院送暖，將水果、月餅及其他健康產品送給公公婆婆，盡顯善心。

梁敏巧帶同鋼琴學生到老院做義工派月餅送暖。

梁敏巧接受《香港01》訪問時表示：「當日係鋼琴妹妹嘅正日生日，我問佢爹哋媽咪同埋佢自己想唔想去做義工，佢哋全部諗都冇諗過就一口答應，佢父母都好好，主動話想送生果俾公公婆婆。（妹妹會唔會驚？）我不嬲都知妹妹比較怕羞，坐車期間我同佢講我會同佢一齊去送禮物，同埋教佢要主動祝福公公婆婆身體健康。」

唔好咁望住我啦。

梁敏巧表示開頭妹妹去到現場，因害怕而躲在房間，「但我同佢講平時公公婆婆大部份都係自己一個，屋企人唔會經常探佢哋，佢哋好唔開心，如果係你親手送禮物俾公公婆婆，佢哋會好開心，之後喺我嘅陪伴下妹妹就鼓起勇氣送禮物俾公公婆婆，仲好聽我講主動祝福公公婆婆身體健康。完咗之後佢就係咁問我幾時仲可以去做義工添，我覺得好有成功感，可以令到一個5歲妹妹感受到施比受感有福。」

好唯美。

仙氣。


                                        
友情提示
本站部分转载文章，皆来自互联网，仅供参考及分享，并不用于任何商业用途；版权归原作者所有，如涉及作品内容、版权和其他问题，请与本网联系，我们将在第一时间删除内容！  
                                        
联系邮箱：1042463605@qq.com